ఆహా ఓటిటి ఫ్లాట్ ఫామ్ ఫై ప్రేమలు మూవీ సరికొత్త రికార్డు సృష్టించింది. గతనెల ఓటీటీలో అందుబాటులోకి వచ్చిన ఈ మూవీ ఇప్పటివరకు 125 మిలియన్ స్ట్రీమింగ్ మినిట్స్తో ఆహా ఫ్లాట్ ఫామ్ ఫై కొత్త రికార్డు అందుకుంది. ఒక మలయాళ డబ్బింగ్ సినిమా ఈ రేంజ్లో స్ట్రీమింగ్ అవ్వడం ఇదే మొదటిసారి అని ఆహా తెలిపింది. ఈ క్రమంలో ఓటీటీలో అత్యధిక నిమిషాలు స్ట్రీమింగ్ అయిన మలయాళ సినిమాగా రికార్డు సృష్టించింది.
గిరీశ్ ఏడి ఈ సినిమాను డైరెక్ట్ చేయగా.. విష్ణు విజయ్ మ్యూజిక్ అందించారు. దర్శకధీరుడు రాజమౌళి కుమారుడు కార్తికేయ తెలుగులో రిలీజ్ చేయడం విశేషం. ఇక ఈ మూవీలో నస్నెన్ కే గఫార్, మమితా బైజు, శ్యామ్ మోహన్, మీనాక్షీ రవీంద్రన్, అఖిలా భార్గవన్, అల్తాఫ్ సలీమ్, మ్యాథ్యూ థామస్, సంగీత్ ప్రతాప్ తదితరులు నటించారు. కామెడీ, ఫీల్గుడ్ లవ్స్టోరీ నో యాక్షన్, జీరో ఫైట్ సీన్స్తో తెరకెక్కిన ఈ సినిమాకు యూత్ బ్రహ్మ రథంపట్టారు. దీంతో ఈ సినిమాను తెలుగులోకి డబ్బింగ్ చేసి విడుదల చేశారు. ఇక్కడ కూడా ప్రేమలు మంచి విజయం సాధించింది. ఈ సినిమాకు 90’s బయోపిక్ వెబ్ సిరీస్ డైరెక్టర్ ఆదిత్య హాసన్ డైలాగ్స్ రాయడంతో తెలుగు ఆడియన్స్ కు మరింత దగ్గరైంది. చిన్న సినిమాగా కేవలం రూ.9 కోట్ల బడ్జెట్తో రూపొందిన ప్రేమలు వరల్డ్వైడ్గా రూ.100 కోట్లు పైగా వసూల్ చేసింది. కథలో దమ్ము ఉండాలి కానీ కాస్ట్ & క్రూ తో సంబంధం లేదని నిరూపించింది.