తేజ సజ్జ – ప్రశాంత్ వర్మ కలయికలో తెరకెక్కిన హనుమాన్ మూవీ ఎంత పెద్ద విజయం సాధించిందో చెప్పాల్సిన పనిలేదు. పాన్ ఇండియా మూవీ గా విడుదలైన ఈ మూవీ బాక్స్ ఆఫీస్ వద్ద వసూళ్ల ప్రభంజనం సృష్టించింది. ఈ సినిమా సూపర్ హిట్ తో దీనికి సీక్వెల్ ప్రకటించారు. ‘జై హనుమాన్’ పేరుతో వచ్చే సంక్రాంతికి ఈ సీక్వెల్ ను ప్రేక్షకుల ముందుకు తీసుకొస్తున్నట్లు ప్రకటించారు. కానీ ఇప్పుడు ఈ సీక్వెల్ కు బ్రేక్ పడిందనే వార్త చక్కర్లు కొడుతోంది.
‘హను- మాన్’ వల్ల ప్రశాంత్ వర్మకు దేశవ్యాప్తంగా క్రేజ్ వచ్చిన సంగతి తెలిసిందే. ఈ క్రేజ్ తో ప్రశాంత్
కు బాలీవుడ్లో ఓ సూపర్ ఛాన్స్ వచ్చిందట. బాలీవుడ్ స్టార్ హీరో రణ్వీర్ సింగ్, ప్రశాంత్తో ఓ సినిమా చేయడానికి గ్రీన్ సిగ్నల్ ఇచ్చారని సమాచారం. దీంతో ‘జై హనుమాన్’ సినిమాను హోల్డ్లో పెట్టి రణ్వీర్ హిందీ ప్రాజెక్ట్ను పట్టాలెక్కించాలని ప్రశాంత్ డిసైడైనట్లు సోషల్ మీడియాలో ప్రచారం సాగుతోంది. ఇక ఈ ప్రాజెక్ట్ను 2025 లోనే కంప్లీట్ చేయలని ప్రశాంత్ భావిస్తున్నారట.
ఈ సినిమా కూడా ప్రశాంత్ వర్మ యూనివర్స్ (PVCU)లో భాగంగా సూపర్ హీరో కాన్సెప్ట్తోనే తెరకెక్కించనున్నారని తెలుస్తోంది. అటు రణ్వీర్ కూడా సూపర్ హీరో సినిమా చేయడానికి ఆసక్తి కనబరుస్తున్నారట. దీంతో ఇది బాలీవుడ్లోనూ హాట్ టాపిక్గా మారింది. ఒకవేళ ఇదే నిజమైతే ‘జై హనుమాన్’ కోసం ప్రేక్షకులు 2026 దాకా ఆగాల్సిందే అంటున్నారు.
