మాస్ కా దాస్ విశ్వక్సేన్ యూనిక్ రొమాంటిక్ యాక్షన్ ఎంటర్టైనర్ ‘లైలా’ ఎక్సయిటింగ్ ప్రమోషనల్ కంటెంట్‌తో స్ట్రాంగ్ బజ్ క్రియేట్ చేస్తోంది. ఈ చిత్రానికి రామ్ నారాయణ్ దర్శకత్వం వహించారు. షైన్ స్క్రీన్స్ బ్యానర్‌పై సాహు గారపాటి నిర్మించారు.
లైలా ఐడియా ఎప్పుడు వచ్చింది ? ప్రాజెక్ట్ ఎలా స్టార్ట్ అయ్యింది ?
-బట్టల రామస్వామి బయోపిక్ సినిమా చేశాను. అది 2021లో రిలీజై మంచి హిట్ అయ్యింది. ఈ సినిమా తర్వాత ఓ యూనిక్ కథ చేయాలనుకున్నాను. హీరో లేడి గెటప్ వేయడం యూనిక్ కాన్సెప్ట్. ఈ మధ్య అలాంటి కథలు రాలేదు. క్యారెక్టరైజేషన్ కుదిరితే అద్భుతంగా వస్తుంది.
ట్రైలర్ చూస్తే బోల్డ్ నెస్ ఎక్కువైయిందని అనిపిస్తోంది?
-ఇందులో వల్గారిటీ వుండదు. నాటీనెస్ వుంటుంది. ఈ కథకు ఆ నాటీనెస్ కావాలి. విజువల్ గా సినిమా చాలా క్లీన్ గా వుంటుంది. క్లాస్ మాస్ ఫ్యామిలీ ఆడియన్స్ అందరూ ఎంజాయ్ చేసేలా వుంటుంది.
ఇందులో మదర్ ఎమోషన్ వుందని విన్నాం ?
-అవును.సోనూ మోడల్ కి ఆ పార్లర్ అంటే ఎందుకు అంత ఇష్టం అనేది చాలా ఎమోషనల్ గా వుంటుంది. కామెడీ యాక్షన్ రోమాన్స్ ఎమోషన్ అన్నీ వుంటాయి. విశ్వక్ సినిమా నుంచి ఏం ఆశిస్తామో అందుకు పదిరెట్లు ఎక్కువగా వుంటుంది.
ఇందులో విశ్వక్ రెండు పాటలు రాశారు కదా ?
-అవును. ఆయన లిరిక్స్ కూడా రాస్తారా అని నాకు తెలీదు. ట్యూన్ పంపిన తర్వాత తను ఓ పాట వినిపించారు. ఎవరు రాశారని అడిగాను. నేనే అని చెప్పారు. తను అప్పటికప్పుడే రాసేస్తాడు.
విశ్వక్ లో డైరెక్టర్ కూడా వున్నాడు కదా.. అది మీకు హెల్ప్ అయ్యిందా?
– ఖచ్చితంగా ప్లస్ అవుతుంది. ఒక నటుడికి అన్నీ తెలిసుంటే చాలా హెల్ప్ అవుతుంది. డైరెక్టర్ చాలా ఫ్రీ అయిపోతాడు. తన విజన్ నాకు చాలా ఇష్టం. చాలా మంచి పాజిటివ్ గా ఈ జర్నీ జరిగింది.
కామాక్షి క్యారెక్టర్ గురించి ?
-మేము ఇంకా ఆ క్యారెక్టర్ రివిల్ చేయలేదు. చాలా స్పెషల్ క్యారెక్టర్. సినిమా చూసి ‘వావ్’ అంటారు. అద్భుతంగా నటించారు. చాలా సపోర్ట్ చేశారు.
లైలా టైటిల్ గురించి ?
-ఇందులో సోను మోడల్ లైలా..ఈ రెండు క్యారెక్టర్స్ పై కథ నడుస్తుంది. లైలా ఈ సినిమాకి యూఎస్పీ. లైలా వచ్చిన తర్వాత స్క్రీన్ పై మ్యాజిక్ వుంటుంది. అందుకే సినిమాకి లైలా యాప్ట్ టైటిల్.
నటనపై మీకు ఆసక్తి ఉందా ?
-ప్రస్తుతానికి దర్శకత్వంపైనే నా దృష్టి వుంది. నిజానికి మ్యూజిక్ డైరెక్టర్ అవుదామని ఇండస్ట్రీకి వచ్చాను. బట్టల రామస్వామి సినిమాకి నేనే మ్యూజిక్ చేశాను. దిల్ దివాన, ఉందిలే మంచి కాలం సినిమాలకు మ్యూజిక్ చేశాను. అప్పుడే భాను మాస్టర్ పరిచయం. ఆయన లైలాకి బ్యూటీఫుల్ గా కొరియోగ్రఫీ చేశారు.