సక్సెస్ సెలబ్రేషన్స్ లో హీరో నాగచైతన్య మాట్లాడుతూ.. తెలుగు సినిమా ప్రేక్షకులకు థాంక్ యూ సో మచ్. సినిమాకి వస్తున్న పాజిటివ్ రెస్పాన్స్ చాలా ఆనందాన్ని ఇచ్చింది. చాలా కాలంగా ఇది మిస్ అయ్యాను. ఫైనల్ గా మళ్ళీ నాకు తిరిగివచ్చింది. మార్నింగ్ షో నుంచి సూపర్ హిట్ టాక్ అలా పెరుగుతూ వెళుతోంది. ఇంకా ఫ్యామిలీస్ థియేటర్స్ కి రావాలని కోరుకుంటున్నాను. ఈ సినిమాలో ఫ్యామిలీ ఆడియన్స్, లేడీస్ కి నచ్చే ఎన్నో ఎమోషన్స్ వున్నాయి. వాళ్ళంతా వస్తే సినిమాకి ఇంకా మంచి పేరు వస్తుందని నమ్ముతున్నాను. దేవిశ్రీ కి థాంక్ యూ చెప్పాలి. నా పెర్ఫార్మెన్స్ కి కాంప్లిమెంట్స్ వస్తున్నాయంటే సగం క్రెడిట్ దేవికి ఇవ్వాలి. మా ‘తండేల్’ అరవింద్ గారు. ఆయనకి, వాసుకి, చందుకి ఎంత థాంక్స్ చెప్పినా సరిపోదు. అందరూ నాకు ఎంతగానో సపోర్ట్ చేశారు. ఇదంతా టీం వర్క్. అందరికీ థాంక్ యూ. అందరూ థియేటర్స్ కి వెళ్లి సినిమాని ఎంజాయ్ చేయండి’ అన్నారు.
నిర్మాత అల్లు అరవింద్ మాట్లాడుతూ.. అందరికీ నమస్కారం. ‘తండేల్’ సినిమాని విజయవంతం చేసిన ప్రేక్షక దేవుళ్ళకి కృతజ్ఞతలు. ఈ సినిమాలో చాలా సర్ ప్రైజ్ లు ఉంటాయని ముందే చెప్పాం. ఇందులో బెస్ట్ సర్ ప్రైజ్ మా హీరో. దుల్లగొట్టేశాడు. మాకు ఇంకో హీరో దేవిశ్రీ ప్రసాద్. తన మ్యూజిక్ అదిరిపోయింది. మా అందరికీ ‘తండేల్’ డైరెక్టర్ చందూ.శ్యాం దత్ గారి విజువల్స్ ఆడియన్స్ ని హత్తుకున్నాయి. ఆర్ట్ డైరెక్టర్ నాగేంద్ర అద్భుతమైన ఆర్ట్ వర్క్ ఇచ్చారు. కంగ్రాట్స్ వాసు. ఈ రోజు నుంచి పండగ మొదలౌతుంది. సినిమాని సపోర్ట్ చేసిన అందరికీ థాంక్ యూ. సినిమాని మరో లెవల్ కి తీసుకెళ్ళిన మీడియాకి ధన్యవాదాలు’ అన్నారు.
డైరెక్టర్ చందూ మొండేటి మాట్లాడుతూ… అందరికీ నమస్కారం. సినిమా చేస్తున్నప్పుడు ప్రతి సీన్ కి థియేటర్ లో ఎలాంటి రియాక్షన్ ఉంటుందని అనుకున్నానో యాజ్ టీజ్ గా అదే రెస్పాన్స్ ఆడియన్స్ నుంచి రావడం చాలా ఆనందంగా వుంది. సినిమా ఇక్కడ నుంచి మొదలైయింది. అద్భుతంగా ముందుకు వెళుతుంది’ అన్నారు.
మ్యూజిక్ డైరెక్టర్ దేవిశ్రీ ప్రసాద్ మాట్లాడుతూ.. అందరికీ థాంక్ యూ. సినిమాకి అద్భుతమైన రెస్పాన్స్ వస్తోంది. చై అద్భుతంగా పెర్ఫామ్ చేశారు, ఆయన నటన వలనే ఆర్ఆర్ అద్భుతంగా వచ్చింది. ఈ సినిమా కథ విన్నప్పుడే మ్యాజికల్ గా అనిపించింది. చందు గారు అంతే అద్భుతంగా తీశారు. చై ట్రాన్స్ ఫర్మేషన్ మ్యాజికల్ గా వుంది. సాయి పల్లవి గారు అద్భుతంగా నటించారు. ఈ సినిమాకి మ్యూజిక్ చేయడం చాలా ఆనందంగా వుంది. మా పెద్ద ‘తండేల్’ అరవింద్ అంకుల్. వాసు మై డియర్ ఫ్రెండ్. ఇదంతా టీం వర్క్. ఇంత పెద్ద సక్సెస్ ఇచ్చిన ఆడియన్స్ కి థాంక్ యూ సో మచ్’ అన్నారు
