టాలీవుడ్ స్టార్ హీరోలంతా ఒకే చోట కనిపించడం అరుదుగా చూస్తుంటాం. ఏవైనా సినీ వేడుకలు జరిగినప్పుడు అందరూ హాజరై సందడి చేస్తుంటారు. కానీ, తాజాగా తెలుగు సినిమా పరిశ్రమకు చెందిన అగ్ర హీరోలంతా ఒకే చోట చేరారు. వీరందరూ కలిసి దిగిన ఫోటో నెట్టింట వైరల్ అవుతోంది. ఈ ఫోటోలో చిరంజీవి, నాగార్జున, రామ్ చరణ్, మహేష్ బాబు, అఖిల్, ఉపాసన, నమ్రత సహా పలువురు ఉన్నారు. అంతా కలిసి ఓ డైనింగ్ టేబుల్ చుట్టూ కూర్చొని ఫుడ్ తింటుండగా ఈ ఫోటోను తీశారు. ఈ ఫోటోలో రామ్ చరణ్ సతీమణి ఉపాసన, మహేష్ సతీమణి నమ్రతా కూడా కనిపించింది.
ఈ పార్టీలో చిరంజీవి, నాగార్జున ప్రస్తుత ట్రెండ్‌ కి తగ్గట్టు దుస్తులు ధరించి ఆకట్టుకున్నారు. ఈ పిక్ చూసి సినీ అభిమానులు ఫుల్ ఖుషీ అవుతున్నారు. అందరూ ఒకే చోట చేరడం సంతోషంగా ఉందంటున్నారు. ఈ ఫోటోలో ఎన్టీఆర్ కూడా ఉండి ఉంటే బాగుండేదని మరికొంత మంది కామెంట్స్ పెడుతున్నారు. మొత్తంగా టాలీవుడ్ స్టార్స్ అంతా సినిమాలకు కాస్త బ్రేక్ చెప్పి హాలీడే ఎంజాయ్ చెయ్యడానికి వెళ్లడం ఆసక్తిని కలిగిస్తోంది.
