ఈరోజు తమిళ్ హీరో సూర్య బర్త్ డే. ఈ సందర్బంగా సూర్య 44 మూవీ గ్లింప్స్ విడుదలై ఆకట్టుకుంది. ప్రస్తుతం సూర్య కంగువ చిత్రంలో నటిస్తున్న సంగతి తెలిసిందే. ఈ మూవీ కోసం పాన్ ఇండియా మూవీ లవర్స్ ఎంతో ఆసక్తిగా వెయిట్ చేస్తున్నారు.
ఈ క్రమంలో సూర్య బర్త్ డే సందర్భంగా సూర్య 44 నుంచి అదిరిపోయే సర్ ప్రైజ్ ఇచ్చారు. తాజాగా రిలీజ్ చేసిన గ్లింప్స్‌లో ఒక్క డైలాగ్ కూడా లేకుండా సైలెంట్‌గా చంపేశారు సూర్య. విక్రమ్ సినిమాలో రోలెక్స్ రేంజ్‌లో సూర్య కనిపించారు. ఈ చిత్రంలో ఆయన గ్యాంగ్‌స్టర్ పాత్రలో కనిపించబోతున్నట్లు తెలుస్తోంది. ఇక గ్లింప్స్‌లో మరో హైలెట్ ఏంటంటే సంతోష్ నారాయణన్ ఇచ్చిన బ్యాక్ గ్రౌండ్ స్కోర్. ఇటీవల కల్కి 2898 ఏడీతో ఆడియన్స్‌ను ఆకట్టుకున్న సంతోష్ నారాయణన్.. ఈ గ్లింప్స్‌కి ఇచ్చిన బీజీ వేరే లెవల్లో ఉంది.
సూర్య ’44’ను 2డీ ఎంటర్‌టైన్‌మెంట్స్‌ పతాకంపై నిర్మిస్తున్నారు. ఇందులో బుట్టబొమ్మ పూజా హెగ్డేతో పాటు మలయాళ స్టార్ హీరో జోజు జార్జ్‌, జయరామ్‌ లాంటి నటీనటులు కీలక పాత్రలు పోషిస్తున్నారు. వచ్చే ఏడాది సంక్రాంతి కల్లా ఈ చిత్రాన్ని విడుదల చేయాలని మేకర్స్ గట్టిగా ప్లాన్ చేస్తున్నారు.