హిట్ , ప్లాప్ లతో సంబంధం లేకుండా శర్వానంద్ వరుసగా సినిమాలు చేస్తూ వస్తున్నాడు. ప్రస్తుతం తనకు కలిసొచ్చే బ్యానర్ యూవీ క్రియేషన్స్ బ్యానర్ లో ఓ మూవీ చేస్తున్నాడు. ప్రస్తుతం ఈ చిత్రం ప్రీ ప్రొడక్షన్ పనులు శరవేగంగా జరుగుతున్నాయి. అయితే తాజాగా ఈ మూవీకి సంబంధించిన ఓ వార్త నెట్టింట తెగ ట్రెండ్ అవుతోంది.
‘శర్వా 36’గా తెరకెక్కనున్నఈ సినిమాకు మేకర్స్ ఓ క్రేజీ టైటిల్ను ఫిక్స్ చేశారట. ఇందులో భాగంగా ‘రేస్ రాజా’ అనే పేరును పరిశీలనలో ఉంచినట్లు తెలుస్తోంది. బైక్ రేసింగ్ నేపథ్యంలో ఈ సినిమా సాగనుందని, అందుకే ఈ టైటిల్ను ఖరారు చేయనున్నట్లు టాక్ నడుస్తోంది. భారీ బడ్జెట్తో తెరకెక్కుతోన్న ఈ చిత్రంలో మాళవిక నాయర్ కీలక పాత్ర పోషిస్తున్నారు. జిబ్రాన్ ఈ సినిమాకు సంగీతం అందిస్తున్నారు. ఇప్పటికే ఈ బ్యానర్పై ‘రన్ రాజా రన్’, ‘ఎక్స్‌ప్రెస్ రాజా’, ‘మహానుభావుడు’ లాంటి సూపర్ హిట్ సినిమాల్లో నటించారు శర్వా. దీంతో ఇప్పుడు ఇప్పుడు ఈ మూవీ ఫై అంచనాలు పెరిగిపోతున్నాయి. మరి ఈ సినిమా శర్వా కు ఎలాంటి హిట్ ఇస్తుందో చూడాలి.