పాన్ ఇండియా స్టార్ ప్రభాస్ – KGF ఫేమ్ ప్రశాంత్ నీల్ కలయికలో వచ్చిన సలార్ పార్ట్ 1 మూవీ థియేటర్స్ లలో ఎంత సూపర్ హిట్ సాధించిందో తెలియంది కాదు. బాహుబలి తర్వాత వరుస ప్లాప్స్ తో సతమతవుతున్న ప్రభాస్ కు ఈ మూవీ ఊపిరి పోసింది. ఈ మూవీ సూపర్ హిట్ కావడం తో అభిమానులు కూడా ఖుషి అయ్యారు. డిసెంబర్ నెలలో ప్రేక్షకుల ముందుకు వచ్చిన ఈ చిత్రం..తాజాగా స్టార్ మా లో ప్రీమియర్ షో గా ప్రసారమైంది. ఈ సినిమా బుల్లితెర ఫై సంచలన TRP సాదిస్తుందని అంత అనుకున్నారు కానీ రివర్స్ అయ్యింది.
సలార్ సినిమాకి కేవలం 6.5 టీఆర్‌పీ మాత్రమే రావడం అభిమానులను సైతం షాక్ కు గురి చేసింది. అయితే మిక్సిడ్ టాక్ తెచ్చుకున్న గుంటూరు కారం సినిమా ఫస్ట్ టైమ్ టీవీలో వచ్చినప్పుడు 9.23 టీఆర్‌పీ సాధించింది. దీంతో ప్రభాస్‌‍ను ట్రోల్ చేస్తున్నారు మహేష్ బాబు ఫ్యాన్స్. నెగెటివ్ రివ్యూలు వచ్చిన గుంటూరు కారం టీఆర్‌పీని హిట్ టాక్ తెచ్చుకున్న సలార్ టచ్ చేయలేకపోయిందంటూ పోస్టులు పెడుతున్నారు. ఈ పోస్టులు చూసి ప్రభాస్ ఫ్యాన్స్ తట్టుకోలేకపోతున్నారు.