దర్శక ధీరుడు రాజమౌళి డైరెక్షన్లో ఎన్టీఆర్ , రాంచరణ్ లు హీరోలుగా మల్టీస్టారర్ మూవీ గా వచ్చిన చిత్రం ఆర్ఆర్ఆర్. మర్చి 24 , 2022 న ప్రపంచ వ్యాప్తంగా పలు భాషల్లో విడుదలై బ్లాక్ బస్టర్ విజయం సాధించింది. బాక్స్ ఆఫీస్ వద్ద రికార్డు కలెక్షన్స్ సాధించడమే కాదు ఈ మూవీ లో నాటు నాటు సాంగ్ కు ఏకంగా ఆస్కార్ అవార్డు సైతం దక్కింది.
అలాంటి ఈ గొప్ప మూవీ మరోసారి ప్రేక్షకుల ముందుకు రాబోతుంది. ఈసారి 3D వెర్షన్ లో రిలీజ్ అవ్వడం విశేషం. ఈనెల (మే)10న దేశవ్యాప్తంగా ఎంపిక చేసిన థియేటర్లలో తెలుగు, హిందీ భాషల్లో ‘ఆర్ఆర్ఆర్’ రీ రిలీజ్ కానుంది. దీంతో రాజమౌళి మూవీఫెస్ట్ను 3Dలో ఎక్స్పీరియన్స్ చేయవచ్చని మూవీలవర్స్ తెగ సంతోషపడుతున్నారు. ఇక ఈ సినిమాలో సీనియర్ నటి శ్రియా శరణ్ బాలీవుడ్ స్టార్లు ఆలియా భట్, అజయ్ దేవగన్, హాలీవుడ్ స్టార్ ఒలివియ మోరిస్ తదితరులు నటించారు. డీవీవీ ఎంటర్టైన్మెంట్ బ్యానర్పై డీవీవీ దానయ్య నిర్మించిన ఈ సినిమాకు ఎమ్ఎమ్ కీరవాణి సంగీతం అందించారు. మరి 3d వెర్షన్ లో ఎలా ఉంటుందో చూడాలి.