ప్రముఖ డైరెక్టర్ కమ్‌ హీరో రిషబ్ శెట్టి, ‘కాంతార’ సినిమా ద్వారా భారతీయ చిత్ర పరిశ్రమలో తన ప్రత్యేకతను నిలుపుకున్నారు. ఈ చిత్రంతో ఇండియన్ సినిమా ప్రేక్షకులు ఆయన నటన, దర్శకత్వంపై దృష్టి సారించారు. ప్రస్తుతం తెలుగు మరియు కన్నడ చిత్ర పరిశ్రమల్లో వరుస సినిమాలతో సక్సెస్ సాధిస్తున్న రిషబ్ శెట్టి, తాజాగా ప్రముఖ దర్శకుడు సందీప్ రెడ్డి వంగా పై ప్రశంసలు కురిపించారు.
సందీప్ తో కలిసి పని చేయాలని తన కోరికను వ్యక్తం చేశారు. ఎంతో టాలెంట్ ఉన్న డైరెక్టర్ సందీప్ డైరెక్షన్లో ఏ సినిమాలోనైనా నటించేందుకు సిద్ధంగా ఉన్నట్లు తెలిపారు. సందీప్ రెడ్డి వంగా దర్శకత్వంలో పని చేయడం తనకెంతో ఇష్టం అని అన్నారు. రిషబ్ ఈ వ్యాఖ్యలు రానా దగ్గుబాటి నిర్వహించే ‘ది రానా దగ్గుబాటి షో’లో చెప్పగా, ఈ వ్యాఖ్యలు ప్రాథమికంగా సర్వత్రా చర్చకు వచ్చాయి.
ప్రస్తుతం రిషబ్ శెట్టి ‘ది ప్రైడ్‌ ఆఫ్‌ భారత్‌ : ఛత్రపతి శివాజీ మహారాజ్‌ అనే హిస్టారికల్‌ డ్రామా సినిమా చేస్తున్నాడు. సందీప్ సింగ్ ఈ సినిమాను నిర్మిస్తున్నారు. ఇది సమరయోధుడి కథను ఆవిష్కరిస్తుంది, దీనిని ప్రపంచవ్యాప్తంగా 2027 జనవరి 21న విడుదల చేయనున్నారు. ఈ ప్రాజెక్ట్‌తో రిషబ్ శెట్టి మరింత ప్రఖ్యాతి తెచ్చుకుంటారని భావిస్తున్నారు. అదే సమయంలో రిషబ్ శెట్టి ‘కాంతార’ ప్రీక్వెల్‌తో పాటు ‘జై హనుమాన్’ సినిమాలో కూడా నటిస్తున్నాడు. ఈ సినిమాలతో రిషబ్ తన కెరీర్‌ను మరింత విస్తరిస్తున్నారు.