మాస్ మహారాజ రవితేజ సినిమాలపై ఎంత ఇంట్రస్ట్ చూపిస్తాడో తెలియంది కాదు..హిట్ , ప్లాప్ లతో సంబంధం లేకుండా ఏడాదికి కనీసం రెండు సినిమాలు రిలీజ్ అయ్యేలా ప్లాన్ చేస్తుంటాడు. ప్రస్తుతం డైరెక్టర్ హరీష్ శంకర్ డైరెక్షన్లో మిస్టర్ బచ్చన్ అనే సినిమా చేస్తున్నాడు. హిందీ రైడ్ సినిమాను తెలుగులో మిస్టర్ బచ్చన్‌గా హరీష్ శంకర్ రీమేక్ చేస్తున్నాడు. ఈ మూవీ షూటింగ్ శరవేగంగా జరుగుతోంది. అయితే ఈ మూవీ సెట్‌లోనే రవితేజ గాయపడినట్టుగా తెలుస్తుంది. ఎంతో తీవ్రమైన మెడనొప్పి ఉన్నా కూడా షూటింగ్‌కు బ్రేక్ ఇవ్వకుండా రవితేజ పని చేస్తూనే ఉన్నాడట. ఈ విషయాన్ని చెబుతూ హరీష్ శంకర్ వేసిన ట్వీట్ వైరల్ అవుతోంది.
మాస్ మహారాజా రవితేజ తీవ్రమైన మెడనొప్పితోనూ షూటింగ్ చేస్తున్నారు.. అన్నయ్య నువ్వెప్పుడూ మా అందరినీ ఇన్‌స్పైర్ చేస్తూనే ఉంటావ్. నీ డెడికేషన్‌కు హ్యాట్సాఫ్ అంటూ హరీష్ శంకర్ వేసిన ట్వీట్ వైరల్ అవుతోంది. ఇక ఈ ట్వీట్ వెంటనే వైరల్ కాసాగింది. రవితేజ ఈ వయసులోనూ ఇలా ఇంత డెడికేటెడ్‌గా పని చేస్తున్నాడంటూ ఆయన ఫ్యాన్స్ ఈ ట్వీట్‌ను షేర్ చేస్తున్నారు.
ధమాకా, టైగర్ నాగేశ్వరరావు, ఈగల్ తో సందడి చేసిన రవితేజ.. ఇప్పుడు మిస్టర్ బచ్చన్ మూవీని రెడీ చేస్తున్నాడు. తన 75వ సినిమాను కూడా పట్టాలెక్కించిన సంగతి తెలిసిందే. హరీష్ శంకర్ మాత్రం ఉస్తాద్ మూవీని పక్కన పెట్టి మిస్టర్ బచ్చన్‌ను పూర్తి చేస్తున్నాడు. ఈ మిస్టర్ బచ్చన్ తరువాత ఉస్తాద్ మీద ఫోకస్ పెట్టేలా ఉన్నాడు.