ప్రభాస్ నటించిన . ‘కల్కి 2898 ఏడీ’ మూవీ భారీ విజయం సాధించడం తో ప్రభాస్ నుండి వస్తున్న నెక్స్ట్ మూవీ రాజాసాబ్’ పై అందర్నీ రెట్టింపు అంచనాలు పెరుగుతున్నాయి. ఈ క్రమంలో ఆ అంచనాలకు ఏమాత్రం తగ్గకుండా డైరెక్టర్ మారుతీ జాగ్రత్త పడుతున్నాడు. ప్రభాస్ ని జోవియ‌ల్ గా చూసి కూడా చాలా కాల‌మైంది. అన్నిటికంటే ముఖ్యంగా ప్రభాస్ చేస్తున్న తొలి హార‌ర్ సినిమా ఇది. ప్రభాస్ ఫ్యాన్స్ ఈ సినిమా గురించి ఎదురు చూడ‌డానికి ఇలా స‌వాల‌క్ష కార‌ణాలు, కోణాలూ ఉన్నాయి. ఈ సినిమాని మరింత స్పెష‌ల్ గా మార్చ‌డానికి మారుతి త‌న వంతు ప్ర‌య‌త్నం చేస్తూనే ఉన్నాడు.
అక్టోబర్ 23న ప్రభాస్ బర్త్ డే సందర్భంగా మేకర్స్ రెండు రోజుల ముందే ఫ్యాన్స్కు ట్రీట్ ఇచ్చారు. ఈ క్రమంలో సోమవారం సినిమా నుంచి ఓ అప్డేట్ ఇచ్చారు. ప్రభాస్ స్టైలిష్ లుక్తో ఉన్న పోస్టర్ రిలీజ్ చేశారు. ఇక అక్టోబర్ 23న అసలైన ట్రీట్ ఉందంటూ పోస్ట్ షేర్ చేశారు. అంటే ప్రభాస్ బర్త్ డే రోజు వీడియో గ్లింప్స్ రిలీజ్ చేయడానికి మేకర్స్ ప్లాన్ చేసినట్లు తెలుస్తోంది. ఇక ఈ లుక్ లో టీ షర్ట్, షర్ట్, బ్లాక్ జీన్స్తో ప్రభాస్ నిలబడి ఉన్న పోస్టర్ ఫ్యాన్స్ను తెగ ఆకట్టుకుంటుంది. ఇంక కూలింగ్ గ్లాసెస్ ధరించడం వల్ల మరింత స్టైలిష్ లుక్ వచ్చింది. ఈ పోస్టర్ను డైరెక్టర్ మారుతి చేస్తూ ఇంట్రెస్టింగ్ క్యాప్షన్ రాశారు. ‘ఈ ప్రయాణంలో మేం, తయారు చేసిన డార్లింగ్ క్యారెక్టర్ ఇది’ అని మారుతి పోస్ట్ చేశారు. నిమిషాల్లోనే ప్రభాస్ లుక్ ట్రెండింగ్లోకి వచ్చేసింది. ఇక నుంచి సినిమా రిలీజ్ దాకా వరుసగా అప్డేట్స్ ఉంటాయని నిర్మాత ఎస్కేఎన్ తెలిపారు.