పుష్ప 2 సినిమా నుండి “కిసిక్” పాట ఇటీవల విడుదలైంది. ఈ పాటలో అల్లు అర్జున్ మరియు శ్రీలీల కలిసి ఆకట్టుకునే డాన్స్ స్టెప్పులు వేశారు. దేవి శ్రీ ప్రసాద్ సంగీతం అందించిన ఈ పాటకు ప్రేక్షకుల నుండి మంచి స్పందన వస్తోంది. ఈ పాటలో అల్లు అర్జున్ , శ్రీలీల వేసిన స్టెప్స్ అభిమానులను విపరీతంగా ఆకట్టుకుంటున్నాయి. సినిమా విడుదల తేదీ దగ్గరపడే కొద్దీ పుష్ప 2 మీద ఉత్కంఠ మరింత పెరుగుతుంది. ఇప్పుడు ఈ కిస్ సాంగ్ ద్వారా సినిమా ఫై మారినంత అంచనాలు పెరిగాయి. అల్లు అర్జున్‌తో పోటీప‌డి శ్రీలీల వేసిన డ్యాన్స్ మూవ్‌మెంట్స్ అభిమానులను ఆక‌ట్టుకుంటోన్నాయి. కిస్సిక్ సాంగ్‌ను శుబ్లాషిని ఆల‌పించింది. చంద్ర‌బోస్ సాహిత్యాన్ని అందించారు.
చెన్నైలో ఆదివారం వైల్డ్ ఫైర్ పేరుతో స్పెష‌ల్ ఈవెంట్‌ను పుష్ప 2 టీమ్ నిర్వ‌హించింది. ఈ ఈవెంట్‌లో కిస్సిక్ సాంగ్‌ను రిలీజ్ చేశారు. చెన్నై వేడుక‌లో అల్లు అర్జున్, రష్మిక మంద‌న్న‌తోపాటు సినిమా టీమ్ పాల్గొన్నారు. కిస్సిక్ పాట ప్ర‌స్తుతం ట్రెండింగ్ అవుతోంది. కాకపోతే పుష్ప 2 సినిమా క‌థ మొత్తం 1990 బ్యాక్‌డ్రాప్‌లో సాగుతుంది. కానీ కిస్సిక్ పాట‌లోనే ప‌దాలు మాత్రం నేటి ట్రెండ్‌కు త‌గ్గ‌ట్లుగా ఉన్నాయి. సోష‌ల్ మీడియాలో ఫేమ‌స్ అయిన చాలా ప‌దాలు పాట‌లు వినిపించ‌డంపై నెటిజ‌న్లు విమ‌ర్శ‌లు గుప్పిస్తోన్నారు. ఊ అంటావా మావ పాటకు కిస్సిక్ సాంగ్ లేద‌ని అంటున్నారు.