కలర్ ఫోటో తో హీరోగా మారి వరుస సూపర్ హిట్స్ చేస్తున్న సుహాస్ నటించిన తాజా చిత్ర ‘ప్రసన్న వదనం’. అరుణ్ వైకే డైరెక్ట్ చేయగా.. ఈ మూవీని మణికంట జేఎస్, ప్రసాద్ రెడ్డిలు సంయుక్తంగా నిర్మించారు. ఈ మూవీకి విజయ్ బుల్గానిన్ సంగీతాన్ని అందించారు. ఇందులో రాశీ సింగ్, పాయల్ రాధాకృష్ణ హీరోయిన్‌లుగా నటించగా.. నితిన్ ప్రసన్న, కుశాలిని, సాయి శ్వేత, సత్య, వైవా హర్షలు కీలక పాత్రల్లో నటించారు. సినీ టీజర్ తో , వీడియోస్ తో అంచనాలు పెంచేసినా మేకర్స్..ఈరోజు భారీ ఎత్తున సినిమాను విడుదల చేసారు.
ఫేస్ బ్లైండ్‌నెస్ (ముఖాలను గుర్తించలేని సమస్య’ ఉన్న హీరో.. ఈ ప్రాబ్లం వల్ల ఎలాంటి ఇబ్బందులను ఎదుర్కొన్నాడు? అసలు అతడికి ఇది ఎలా వచ్చింది? దీనివల్ల ఎదురైన సమస్య నుంచి అతడు ఎలా బయటపడ్డాడు? అనే అంశాలతో సరికొత్త ఈ చిత్రాన్ని తెరకెక్కించాడు డైరెక్టర్. ఈ సినిమాను చూసిన ప్రతి ఒక్కరు సినిమా చాల బాగుందని , సరికొత్త గా తెరకెక్కించారని..ఇలాంటి డిఫరెంట్ సినిమాలు చేయడం ఒక్క సుహాస్ కే దక్కిందని చెపుతున్నారు. ఫేస్ బ్లైండ్‌నెస్ ఉన్న వ్యక్తిగా సుహాస్ అద్భుతంగా నటించాడు. బ్యాగ్రౌండ్‌ స్కోర్ అదిరింది. సెకెండాఫ్ కోసం అంతా మంచిగా సెటప్ చేసి పెట్టుకున్నారు’ అని కామెంట్స్ చేస్తున్నారు. ‘ప్రసన్న వదనం.. సుహాస్‌కు మరో క్లీన్ హిట్. విజయం సాధించినందుకు ఈ చిత్ర యూనిట్‌కు కంగ్రాట్స్. టాలీవుడ్‌లో ఇదే మొదటి సమ్మర్ హిట్ మూవీ. అర్జున్ డైరెక్షన్ సింపుల్‌గా, సూపర్‌గా ఉంది. రాశీ సింగ్ పెర్ఫార్మెన్స్ సినిమాలో మెయిన్ హైలైట్ అని చెప్పొచ్చు’ అని తెలుపుతున్నారు.
