సీనియర్ మల్టీటాలెంటెడ్‌ యాక్టర్ సాయికుమార్ ప్రధాన పాత్రలో నటిస్తోన్న చిత్రం ‘ప్రణయ గోదారి’ త్వరలో ప్రేక్షకుల ముందుకు రానుంది. గోదావరి పరిసరాల్లో ప్రేమకథా నేపథ్యంతో రూపొందుతోన్న ఈ చిత్రానికి పీఎల్‌ విఘ్నేష్ దర్శకత్వం వహిస్తున్నారు. ఈ చిత్రంలో సదన్‌ మరియు ప్రియాంక ప్రసాద్ హీరోహీరోయిన్లుగా నటిస్తున్నారు.
ఇప్పటికే విడుదలైన ఫస్ట్‌లుక్‌ పోస్టర్ మంచి స్పందన పొందింది. తాజాగా మేకర్స్ ఈ సినిమాను డిసెంబర్ 13, 2024న విడుదల చేస్తున్నట్లు అధికారికంగా ప్రకటించారు. కొత్త లుక్‌ పోస్టర్‌లో సాయికుమార్ సీరియస్ లుక్‌లో, కోరమీసాలతో కనిపిస్తూ సినిమాపై ఆసక్తిని పెంచాడు.
ఈ చిత్రానికి మార్కండేయ సంగీతం అందిస్తుండగా, పారమళ్ల లింగయ్య పీఎల్‌వి క్రియేషన్స్ పతాకంపై నిర్మాణ బాధ్యతలు చేపట్టారు. ‘ప్రణయ గోదారి’లోని పాత్రలు, గోదావరి ప్రాంతం నేపథ్యంలో కథనం ప్రేక్షకులకు కొత్త అనుభూతి అందించనున్నాయి.
