పాన్ ఇండియా స్టార్ ప్రభాస్ వరుస సినిమాలతో బిజీ గా ఉన్న సంగతి తెలిసిందే. వాటిలో ది రాజా సాబ్ మూవీ ఒకటి. ప్రభాస్, మారుతి కాంబినేషన్లో రానున్న ఈ మూవీ షూటింగ్ శరవేగంగా జరుపుకుంటుంది. కాగా ఈ చిత్రం తాలూకా ఓ అప్డేట్ అభిమానుల్లో సంతోషం నింపుతుంది. ఈ సినిమాలోని ఓ స్పెషల్ సాంగ్లో ప్రభాస్ ముగ్గురు హీరోయిన్లతో కలిసి స్టెప్పులేయనున్నారట. నిధి అగర్వాల్, మాళవిక మోహనన్, రిద్ధి కుమార్తో చిత్రీకరించనున్న ఆ పాటలో ప్రభాసే హైలైట్గా నిలవనున్నారని టాక్ నడుస్తోంది.
దీని కోసమని మేకర్స్ భారీ ప్లాన్ చేస్తున్నారని సమాచారం. హారర్ కామెడీగా తెరకెక్కుతున్న ఈ సినిమాలో ప్రభాస్తో పాటు నిధి అగర్వాల్, మాళవిక మోహన్, రిద్ది కుమార్ కీలక పాత్రలు పోషిస్తున్నారు. పీపుల్ మీడియా ఫ్యాక్టరీ బ్యానర్పై ఈ సినిమాను టీజీ విశ్వప్రసాద్ నిర్మిస్తున్నారు. టాలీవుడ్ మ్యూజిక్ డైరెక్టర్ తమన్ ఈ చిత్రానికి సంగీతాన్ని అందిస్తున్నారు. మరికొద్ది రోజుల్లో సినిమా రిలీజ్ డేట్ అనౌన్స్ చేయనున్నారని సినీ వర్గాల్లో టాక్ నడుస్తోంది.