సీనియర్ నటుడు మంచు మోహన్ బాబు తన సినీ ప్రయాణంలో ఈ మధ్యే 50వ వసంతంలోకి అడుగు పెట్టారు. ఈ సందర్భంగా ఆయన తన కెరీర్‌లో మంచి గుర్తింపు పొందిన సినిమాల గురించి సోషల్ మీడియా ద్వారా అభిమానులతో పంచుకున్నారు. తన కెరీర్‌లో ప్రత్యేకమైన స్థానం ఉన్న సినిమాలను పరిగణించేటప్పుడు, ‘పట్నం వచ్చిన పతివ్రతలు’ అనే చిత్రాన్ని మోహన్ బాబు ప్రత్యేకంగా గుర్తు చేసారు.
1982లో విడుదలైన ఈ సినిమా మెగాస్టార్ చిరంజీవి మరియు మంచు మోహన్ బాబు ప్రధాన పాత్రల్లో నటించారు. మౌళి దర్శకత్వం వహించిన ఈ చిత్రంలో చిరు, మోహన్ బాబు అన్నదమ్ములుగా నటించారు. రాధిక మరియు గీత హీరోయిన్లుగా నటించారు. ఈ చిత్రం విడుదలైనప్పుడు ఘన విజయం సాధించింది.
మోహన్ బాబు తన పోస్ట్‌లో ఈ సినిమా తన సినీ ప్రయాణంలో ప్రత్యేకమైన అనుభవం అని చెప్పారు. “ఈ చిత్రాన్ని నేనెప్పటికీ మర్చిపోలేను. నాకు చాలా ప్రియమైన చిరంజీవి గారితో కలిసి నటించడం, ఆయనతో సోదరుడిగా నటించడం ఎంతో ప్రత్యేకంగా అనిపించింది” అని మోహన్ బాబు పేర్కొన్నారు.
‘పట్నం వచ్చిన పతివ్రతలు’ సినిమా కథలో, చిన్నప్పుడే తల్లిదండ్రులను కోల్పోయిన మనవళ్లను పెంచి పెద్ద చేసే నారాయణమ్మ పాత్రలో జ్యోతిలక్ష్మి నటించారు. ఈ చిత్రంలో మోహన్ బాబు పాఠశాలలో చదువుకోని పెద్ద మనవడు, చిరంజీవి చదువుకున్న చిన్న మనవడిగా నటించారు. రెండు పెళ్లి దృశ్యాలతో సినిమాపై మంచి స్పందన వచ్చింది.
ఈ సినిమా విజయంతో పాటు, చిరంజీవి – మోహన్ బాబు కలిసి నటించిన మరిన్ని సినిమాలు కూడా ప్రేక్షకుల హృదయాల్లో ప్రత్యేకమైన స్థానాన్ని సంపాదించుకున్నాయి. ‘కొదమ సింహం’, ‘చక్రవర్తి’, ‘కిరాయి రౌడీలు’ తదితర చిత్రాలు ఈ జంటకు మంచి ఆదరణ దక్కించాయి.
Patnam Vachina Pativrathalu (1982) holds a special place in my journey. Directed by the talented Sri. Moulee, I truly cherished portraying my role, especially sharing the screen with my dear friend, Sri. Chiranjeevi, as brothers. This movie remains one of the most unforgettable… pic.twitter.com/fBU68OVpR9— Mohan Babu M (@themohanbabu) December 20, 2024
