సూపర్ స్టార్ మహేష్ బాబు మేనల్లుడు అశోక్ గల్లా హీరోగా నటిస్తున్న తాజా చిత్రం దేవకీ నందన వాసుదేవ నవంబర్ 22న గ్రాండ్‌గా విడుదలకు సిద్ధమైంది. గుణ 369 ఫేమ్ అర్జున్ జంధ్యాల దర్శకత్వంలో తెరకెక్కుతున్న ఈ సినిమా, మెకానిక్ రాకీ సినిమాకు పోటీగా విడుదల కానుంది. ఈ సినిమాలో మానస వారణాసి హీరోయిన్‌గా నటిస్తుండగా, డైరెక్టర్ ప్రశాంత్ వర్మ కథను అందించారు.
అశోక్ గల్లా, మహేష్ బాబు మేనల్లుడు కావడంతో ఈ సినిమా ప్రమోషన్లలో సూపర్ స్టార్ మహేష్ బాబు కూడా భాగం అవుతున్నారు. అశోక్ గల్లా తన సోషల్ మీడియా వేదికగా మహేష్ బాబుతో ఉన్న ఫోటోను షేర్ చేసి, “సూపర్ స్టార్ ఫన్ క్రియేట్ చేద్దాం.. అస్క్ SSMB” అని హ్యాష్‌ట్యాగ్ తో పోస్ట్ చేశారు. ఈ ఫోటో ప్రస్తుతం నెట్టింట వైరల్ అవుతుంది.
మహేష్ బాబు స్వయంగా ఈ సినిమా ప్రోమోషన్స్‌కు సహకరించడం, దేవకీ నందన వాసుదేవ చిత్రానికి మరింత హైప్ తెచ్చే అవకాశాన్ని కలిగిస్తోంది. మహేష్ బాబు మద్దతుతో ఈ సినిమా ఎలా ప్రేక్షకులను ఆకట్టుకుంటుందో చూడాలి.