“మగువ” చిత్రంతో సంచలనం సృష్టించిన మధుప్రియ టైటిల్ పాత్రలో డీఎస్ రావు, రవీంద్ర నారాయణ్ ముఖ్యపాత్రలు పోషించిన చిత్రం “మగువా మజాకా”. ఊర్వశి ఓటిటి సమర్పణలో భీమవరం టాకీస్ సహకారంతో సంపత్ రాజ్ దర్శకత్వంలో ఫణిరాజ్ నిర్మించిన ఈ చిత్రం అన్ని కార్యక్రమాలు పూర్తి చేసుకుని ఈనెల 8 నుంచి ఊర్వశి ఓటిటి ద్వారా ప్రపంచవ్యాప్తంగా గల తెలుగు ప్రేక్షకులను అలరించనుంది.
తనపై అత్యాచారానికి ఒడిగట్టిన కామాంధులకు తెగువ కలిగిన ఓ మగువ ఏ విధంగా ప్రతీకారం తీర్చుకుందనే కాన్సెప్ట్ తో రూపొందిన ఈ చిత్రం తమ దర్శకుడు సంపత్ రాజ్ కు మంచి పేరు తెచ్చిపెడుతుందని, ఈనెల 8న ఊర్వశి ఓటిటిలో “మగువా మజాకాను విడుదల చేస్తున్నామని నిర్మాత ఫణిరాజ్ తెలిపారు. “మగువ” చిత్రంతో సంచలనం సృష్టించిన మధుప్రియ ఈ చిత్రంతో “మధుప్రియా మజాకా” అనిపిస్తుందని దర్శకుడు సంపత్ రాజ్ పేర్కొన్నారు.
ఈ చిత్రానికి మ్యూజిక్: పి.ఎస్, ఎడిటింగ్: వి.ఎ, కెమెరా: శ్రీను, డైలాగ్స్: మణి, నిర్మాత: ఫణిరాజ్, కథ-స్క్రీన్ ప్లే-డైరెక్షన్: సంపత్ రాజ్!!