అల్లు అర్జున్ (Allu Arjun) సుకుమార్ (Sukumar) కాంబినేషన్ లో తెరకెక్కుతున్న పుష్ప ది రూల్ (Pushpa 2: The Rule) మూవీ రిలీజ్ డేట్ విషయంలో ఒకింత గందరగోళం నెలకొన్న ఉండగానే…మరో న్యూస్ బయటకు వచ్చి సినిమా ఫై ఆసక్తి పెంచేస్తుంది. ఈ మూవీ లోని ఐటెం సాంగ్ ను కియారా చేత ఈ సాంగ్ చేయిస్తే బాగుంటుందని మేకర్స్ భావిస్తున్నారట. మరి కియారాఅద్వానీ ఈ సాంగ్ చేయడానికి ఒప్పుకుంటుందో లేదో చూడాలి. ప్రస్తుతం కియారా రామ్ చరణ్ – శంకర్ కలయికలో వస్తున్న గేమ్ చేంజర్ మూవీ లో నటిస్తుంది.
సుకుమార్ దర్శకత్వంలో వచ్చిన పుష్ప సినిమా ఎంతటి సంచలన విజయాన్ని అందుకుందో చెప్పాలిన పనిలేదు. పాన్ ఇండియా వైడ్ గా రిలీజ్ అయిన ఈ సినిమా అన్ని భాషల్లో సూపర్ హిట్ గా నిలిచింది. అల్లు అర్జున్ నటనకు ఏకంగా జాతీయ అవార్డు లాభించింది. అంతే కాదు బన్నీ క్రేజ్ ఈ సినిమా తర్వాత బీభత్సంగా పెరిగింది. ఎక్కడ చూసిన అల్లు అర్జున్ పేరే వినిపిస్తుంది.. పుష్ప డైలాగ్సే మారుమ్రోగుతున్నాయి. ఇక ఇప్పుడు పుష్ప 2 సినిమా కోసం దేశవ్యాప్తంగా ఉన్న ప్రేక్షకులు ఈగర్ గా ఎదురుచూస్తున్నారు. ఈ సినిమా ఎలా ఉండబోతుంది.? కథలో ఎలాంటి ట్విస్ట్ లు ఉంటాయి.? అని అందరూ ఎంతో ఆసక్తిగా ఎదురుచూస్తున్నారు. ఆగస్టు 15 న ఈ సినిమా వస్తుందని ముందు నుండి చెపుతూ వచ్చిన మేకర్స్ ఇప్పుడు చెప్పిన సమయానికి రావడం లేదని చెప్పడం అభిమానుల్లో నిరాశ కలిగిస్తుంది.
పుష్ప-2 టీం స‌భ్యుల స‌మాచారం ప్ర‌కారం ఈ సినిమా వాయిదా నెలా రెండు నెల‌లకు ప‌రిమితం కాద‌ట. సినిమా నిడివితో పోలిస్తే రెట్టింపు ర‌ష్ ఉంటుంద‌ని.. దాన్ని ఎడిట్ చేయ‌డం.. అన్ని భాష‌ల‌కు క‌లిపి పోస్ట్ ప్రొడ‌క్ష‌న్ చేయ‌డం.. సీజీ వ‌ర్క్ అంతా ఒక కొలిక్కి తేవ‌డం.. ఈ వ్య‌వ‌హారాల‌న్నీ చాలా టైం తీసుకునేవే. కాబ‌ట్టి ఆగస్టు 15 నుంచి ఇంకో ఐదు నెల‌లైనా ప‌డుతుంది ఫ‌స్ట్ కాపీ తీయ‌డానికి. కాబ‌ట్టి ఆగస్టు మిస్ అయితే సెప్టెంబ‌రు లేదా అక్టోబ‌రు అనుకోవ‌డానికి కూడా లేదు. బ‌హుశా పుష్ప-1ను రిలీజ్ చేసిన‌ట్లే పుష్ప-2ను డిసెంబ‌రులో విడుద‌ల చేయొచ్చ‌న్న‌ది చిత్ర వ‌ర్గాల అంచ‌నా. అదే జ‌రిగితే డిసెంబ‌రులో రావాల్సిన చాలా సినిమాల రిలీజ్ డేట్ల‌ను మార్చుకోక త‌ప్ప‌దు. చూద్దాం ఏంచేస్తారో మరి.
