కోలీవుడ్ స్టార్ హీరోయిన్ కీర్తి సురేశ్ తన ప్రియుడు ఆంటోనీని క్రిస్టియన్ సంప్రదాయంలో మరలా వివాహం చేసుకున్నారు. ఆదివారం గోవాలోని ఒక ప్రైవేట్ హోటల్లో ఈ వేడుక ఘనంగా జరిగింది. వైట్ కలర్ గౌనులో కీర్తి మెరిసిపోగా, ఆంటోనీ సూట్ ధరించి స్టైలిష్‌గా కనిపించారు. వీరి వివాహానికి సినీ ప్రముఖులు, సన్నిహితులు హాజరై సందడి చేశారు. ఈ ప్రత్యేక వేడుకకు సంబంధించిన ఫోటోలను కీర్తి తన సోషల్ మీడియా ఖాతాలో షేర్ చేయగా, అభిమానులు ఆమెను శుభాకాంక్షలతో ముంచెత్తారు.
ఇంతకుముందు, ఈనెల 12న కీర్తి సురేశ్ మరియు ఆంటోనీ గోవాలోని కుటుంబ సభ్యులు, సన్నిహితుల సమక్షంలో హిందూ సంప్రదాయంలో వివాహం చేసుకున్నారు. ఈ వివాహానికి సంబంధించిన ఫోటోలు కూడా అభిమానులలో మంచి స్పందనను తెచ్చుకున్నాయి. కీర్తి మరియు ఆంటోనీ వివాహ వేడుకలు రెండు సంప్రదాయాలను గౌరవిస్తూ నిర్వహించబడటం ప్రత్యేక ఆకర్షణగా నిలిచింది.
కీర్తి సురేశ్ మరియు ఆంటోనీ దాదాపు 15 ఏళ్లుగా స్నేహితులు. దీపావళి వేడుకల సందర్భంగా కీర్తి తమ సంబంధాన్ని అధికారికంగా ప్రకటించారు. స్కూల్ రోజుల నుంచే పరిచయమైన వీరి స్నేహం కాలేజీ రోజుల్లో ప్రేమగా మారింది. తమ బంధం జీవితాంతం కొనసాగుతుందని, అది ఇరు కుటుంబాల అంగీకారంతో పెళ్లి వరకు చేరిందని కీర్తి తెలిపారు. ఆంటోనీ వ్యాపార కుటుంబానికి చెందిన వ్యక్తి. అతనికి చెన్నై, కొచ్చి ప్రాంతాల్లో వ్యాపారాలు ఉన్నాయి. ఆంటోనీ సరళమైన వ్యక్తిత్వం కీర్తిని ఆకర్షించింది. కీర్తి తన వ్యక్తిగత జీవితం గురించి చాలా స్పష్టంగా ఉండటంతో అభిమానులు ఈ కపుల్‌ గురించి మరింత ఆసక్తిగా చర్చిస్తున్నారు. కీర్తి సురేశ్ పెళ్లి వార్తలు తెలిసిన తర్వాత అభిమానులు ఆనందం వ్యక్తం చేస్తూ సోషల మీడియాలో శుభాకాంక్షలు తెలుపుతున్నారు. సినిమాలలో బిజీగా ఉన్న కీర్తి తన వ్యక్తిగత జీవితానికి ప్రాముఖ్యత ఇస్తూ ఇరు కుటుంబాలను కలిపినందుకు అందరూ అభినందిస్తున్నారు. కీర్తి సురేశ్ ఈ ఏడాది మరో బిజీ షెడ్యూల్‌ మధ్య పెళ్లి వేడుకలను నిర్వహించి, అభిమానులను అలరించారు.