ఇండియన్ బాక్సాఫీస్ వద్ద కలెక్షన్ల వర్షం కురిపిస్తున్న ‘కల్కి 2898 AD’ సినిమా ఓవర్సీస్లోనూ సరికొత్త రికార్డు సాధించింది. ప్రభాస్- నాగ్ అశ్విన్ కలయికలో తెరకెక్కిన ఈ కల్కి ..బాక్స్ ఆఫీస్ వద్ద రికార్డుల మోత మోగిస్తుంది. ఇప్పటికే భారీ స్థాయిలో ఓపెనింగ్ డే వసూళ్లు చేసిన ఈ సినిమా నాలుగు రోజుల్లోనే రూ.500 కోట్ల క్లబ్లో చేరిపోయింది. అటు ఓవర్సీస్లోనూ కల్కి జోరు ప్రదర్శిస్తోంది. నార్త్ అమెరికాలో ఈ సినిమాకు విశేష ఆదరణ లభిస్తోంది. ఈ క్రమంలోనే ఓవర్సీస్లో రికార్డు స్థాయిలో వసూళ్లు సాధించింది.
ఫస్ట్ వీకెండ్ నార్త్ అమెరికాలో కల్కి కాసుల వర్షం కురిపిస్తోంది. 11+ మిలియన్ డాలర్ల కలెక్షన్ సాధించింది. ఈ క్రమంలో నార్త్ అమెరికాలో తొలి వీకెండ్ అత్యధిక వసూళ్లు సాధించిన తొలి భారతీయ సినిమాగా రికార్డు క్రియేట్ చేసింది. ఇక సినిమాకు ఆల్ ఓవర్ పాజిటివ్ టాక్ ఉండడం వల్ల కలెక్షన్లు మరింత పెరిగే ఛాన్స్ ఉంది. కాగా, నార్త్ అమెరికాలో అత్యధిక వసూళ్లు సాధించిన ఇండియన్ ఫిల్మ్స్లో టాప్ 2 సినిమాలు (కల్కి, బాహుబలి 2) ప్రభాస్వే కావడం విశేషం.