రామ్ బర్త్ డే సందర్భాంగా ‘డబుల్ ఇస్మార్ట్’ టీజర్ రిలీజ్ అయ్యింది. రామ్ కెరియర్ లో బ్లాక్ బస్టర్ విజయం సాధించిన చిత్రం ఏదైనా ఉందా అంటే అది ఇస్మార్ట్ శంకర్ అనే చెప్పాలి. పూరి డైరెక్షన్లో నాభ నటేష్ , నిధి అగర్వాల్ జంటగా 2019 లో ప్రేక్షకుల ముందుకు వచ్చిన ఈ మూవీ బాక్స్ ఆఫీస్ వద్ద భారీ విజయం సాధించింది.ఈ చిత్రానికి రామ్ యాక్టింగ్ , పూరి డైరెక్షన్ , మణిశర్మ మ్యూజిక్ సినిమా విజయంలో కీలక పాత్ర పోషించాయి. ఈ విజయం తర్వాత వెంటనే పార్ట్ 2 తెరకెక్కిస్తారని అనుకున్నారు కానీ కుదరలేదు. ఈ మూవీ తర్వాత రామ్ చేసిన సినిమాలన్నీ ప్లాప్స్ అయ్యాయి. ఈ తరుణంలో కొద్దీ నెలల క్రితం ఇస్మార్ట్ 2 అప్డేట్ ఇచ్చి అభిమానుల్లో జోష్ నింపారు. ప్రస్తుతం షూటింగ్ శరవేగంగా నడుస్తుండగా..ఈరోజు రామ్ పుట్టిన రోజు సందర్బంగా టీజర్ ను రిలీజ్ చేసారు. 85 సెకన్లు ఉన్న ఈ టీజర్‌లో రామ్ స్టైల్, స్వాగ్ అదే రేంజ్‌లో చూపించారు పూరి. ముఖ్యంగా ఇస్మార్ట్ శంకర్‌లో రామ్ డైలాగ్ డెలివరీ ఫ్యాన్స్‌కి బాగా కిక్కిచ్చింది. డబుల్ ఇస్మార్ట్‌లో కూడా అదే డైలాగ్ డెలివరీని కొనసాగించారు.
ఇక టీజర్‌లో సంజయ్ దత్ పాత్రను కూడా కాస్త వైలెంట్‌గానే చూపించారు. ఇందులో బిగ్‌ బుల్ పాత్రలో సంజయ్ దత్ కనిపిస్తున్నారు. తుపాకీ మోతలతో టీజర్ మొత్తం దద్దరిల్లింది. ఇక టీజర్‌లో ఆలీ పాత్రలో కూడా కాస్త డిఫరెంట్‌గా కనిపిస్తుంది. హీరోయిన్‌గా కావ్య థాపర్‌ను చూపించారు. రామ్ ఫ్రెండ్ పాత్రలో గెటప్ శీను కనిపించాడు. అలానే షియాజీ షిండే, ఉత్తేజ్ కూడా టీజర్‌లో కనిపించారు. మొత్తానికి టీజర్ అయితే దీపావళి టపాసులా గట్టిగానే పేలింది. ప్రస్తుతం డబుల్ ఇస్మార్ట్ హ్యాష్ ట్యాగ్ సోషల్ మీడియాలో ట్రెండ్ అవుతోంది.