కొరటాల శివ దర్శకత్వంలో మ్యాన్ ఆఫ్ మాసెస్ జూనియర్ ఎన్టీఆర్ హీరోగా నటిస్తున్న ఈ మూవీపై అంచనాలు భారీగా ఉన్నాయి. తాజాగా ఈ మూవీ షూటింగ్ తాలూకా బిగ్ అప్డేట్ వచ్చింది. సినిమాలోని కీలక షెడ్యూల్ ను తాజాగా పూర్తి చేసారు. దీంతో 90 శాతం షూటింగ్ పూర్తైందట. ఇంకా రెండు పాటలు, చిన్న టాకీ పార్ట్ మాత్రమే బ్యాలెన్స్ ఉన్నట్లు తెలుస్తోంది. ఇది కూడా మరో 10 రోజుల్లో పూర్తైయ్యే ఛాన్స్ ఉందని ఇన్సైడ్ టాక్.
ఇక శంషాబాద్ ఏరియాలో ఓ పాట కోసం ప్రత్యేక సెట్ వేశారు. ఈరోజు (జూలై 10) నుంచి ఈ పాట షూటింగ్ ప్రారంభం కానుంది. కాగా, రిలీజ్ డేట్ దగ్గరపడుతుండడం వల్ల మిగిలిన 10 శాతం పనులు చకచకా పూర్తి చేసి ప్రమోషన్స్పై దృష్టి పెట్టాలని మేకర్స్ భావిస్తున్నారట. ఈ సినిమా ఎన్టీఆర్, యువసుధ బ్యానర్లపై కల్యాణ్ రామ్ నిర్మిస్తున్నారు. ఇక రెండు పార్ట్లుగా తెరకెక్కుతున్న ఈ సినిమా నుంచి తొలి భాగం సెప్టెంబర్ 27న విడుదల కానుంది.