టాలీవుడ్ మెగాస్టార్ చిరంజీవి ప్రస్తుతం విశ్వంభర అనే సోషియో ఫాంటసీ ప్రాజెక్టులో బిజీగా ఉన్నారు. ఈ చిత్రానికి బింబిసార ఫేమ్ వశిష్ఠ మల్లిడి దర్శకత్వం వహిస్తున్నారు. ఇందులో చిరంజీవి ప్రధాన పాత్రలో నటిస్తుండగా, త్రిష ఫీమేల్ లీడ్ రోల్‌లో కనిపించనుంది. ఇక, ఆషికా రంగనాథ్, రమ్య పసుపులేటి, సురభి, ఈషా చావ్లా, ఆష్రిత వేముగంటి తదితరులు కీలక పాత్రలలో నటిస్తున్నారు.
ఈ సినిమాకు సంబంధించి తాజా అప్డేట్‌లో, చిరంజీవి టీమ్ ప్రస్తుతం జపాన్‌లో షూటింగ్ చేస్తున్నట్లు తెలుస్తోంది. కొత్తగా ఒక సాంగ్‌ను చిరంజీవి, త్రిషపై చిత్రీకరిస్తున్నారు. నవంబర్ 21న చిరంజీవి టీం హైదరాబాద్‌కు తిరిగి రానుందని సమాచారం. టీజర్ విడుదలయ్యాక, అభిమానులు కొంత నిరాశగా ఉన్నా, చిత్ర నిర్మాతలు వీఎఫ్‌ఎక్స్‌ క్వాలిటీని పెంచి, ప్రేక్షకుల అంచనాలు అందుకునే దిశగా పనులు చేస్తున్నారు.
విశ్వంభర సినిమాను 2025 జనవరి 10న గ్రాండ్‌గా విడుదల చేయాలని అనుకున్నప్పటికీ..VFX కారణంగా సంమార్కు వాయిదా పడింది. ఈ చిత్రానికి యూవీ క్రియేషన్స్ బ్యానర్‌పై వంశీ, ప్రమోద్ విక్రమ్ చిత్రాన్ని నిర్మిస్తున్నారు. ఆర్‌ఆర్‌ఆర్ సినిమాతో ఖ్యాతి పొందిన ఎంఎం కీరవాణి ఈ చిత్రానికి సంగీతం అందిస్తున్నారు.
