బేబీ చిత్రంతో ఓవర్ నైట్ లో స్టార్ స్టేటస్ అందుకున్న బ్యూటీ వైష్ణవి. తాజాగా ఆశిష్ హీరోగా నటించిన లవ్ మీ సినిమాలో హీరోయిన్ గా నటించింది. ప్రజెంట్ వర‌స సినిమాలు చేస్తూ దూసుకెళ్తున్న ఈ బ్యూటీ..మరో క్రేజీ ఆఫర్ కొట్టేసినట్లు ఫిలిం సర్కిల్లో వినిపిస్తుంది. ఈ ముద్దుగుమ్మ ఓ స్టార్ హీరోకి చెల్లెలి పాత్రలో నటించబోతుందట. మరి ఆ స్టార్ హీరో ఎవరు అని ఆలోచిస్తున్నారా? ఆ హీరో మరెవ్వరో కాదు మన ఐకాన్ స్టార్ అల్లు అర్జున్. పుష్ప సినిమాతో పాన్ ఇండియా హీరో అయిపోయిన బన్నీ ప్రజెంట్ పుష్ప సీక్వెల్లో ఫుల్ బిజీగా ఉన్నాడు.
ఇక ఈ సినిమా అనంతరం అల్లు అర్జున్ ..అట్లీ డైరెక్షన్లో ఓ సినిమా చేయనున్నట్లు వార్తలు వినిపిస్తున్న సంగతి తెలిసిందే. ఇక ఈ చిత్రంలో బన్నీకి చెల్లీ పాత్రలో వైష్ణవి చైతన్య నటించబోతున్నట్లు వార్తలు వినిపిస్తున్నాయి. గతంలో అలా వైకుంఠపురం సినిమాలో బన్నీకి చెల్లి పాత్ర పోషించింది వైష్ణవి. ఇక అప్పుడు వైష్ణవి చైతన్య కి అంతగా క్రేజ్ లేదు. కానీ ప్రెసెంట్ ఈమెకి స్టార్ హీరోయిన్ క్రేజ్ ఉంది. అయినప్పటికీ అల్లు అర్జున్ సినిమా అనగానే ఒక్క నిమిషం కూడా ఆలోచించకుండా సిస్టర్ పాత్రకి ఓకే చెప్పిందట ఈ ముద్దుగుమ్మ. మరి ఈ వార్తల్లో ఎంత నిజం అనేది తెలియాల్సి ఉంది.
