ప్రియదర్శి, ఆనంది, సుమ కనకాల, నవనీత్ శ్రీరామ్, రానా దగ్గుబాటి, పుస్కూర్ రామ్ మోహన్ రావు, జాన్వినారంగ్ ‘ప్రేమంటే’ ఫన్ ఫుల్ టీజర్ లాంచ్, సినిమా నవంబర్ 21న థియేటర్లలో రిలీజ్
స్ట్రాంగ్ కంటెంట్ బేస్డ్ సినిమాలు చేస్తున్న ప్రియదర్శి రిఫ్రెషింగ్ రొమాంటిక్ కామెడీ మూవీ ప్రేమంటే తో రాబోతున్నారు. ఆనంది హీరోయిన్ గా నటిస్తోంది. సుమ కనకాల ఒక ముఖ్యమైన పాత్ర చేస్తున్నారు. నవనీత్ శ్రీరామ్ డైరెక్టర్ గా అరంగేట్రం చేస్తున్నారు. పుస్కూర్ రామ్ మోహన్ రావు, జాన్వీ నరంగ్ నిర్మాణంలో, శ్రీ వెంకటేశ్వర సినిమాస్ ఎల్‌ఎల్‌పీ (SVCLLP) బ్యానర్‌పై తెరకెక్కుతున్న ఈ చిత్రాన్ని రానా దగ్గుబాటి స్పిరిట్ మీడియా సమర్పిస్తోంది. దివంగత నారాయణ్ దాస్ నారంగ్ గారికి ట్రిబ్యుట్ గా నిలిచే ఈ చిత్రానికి ఆదిత్య మెరుగు సహ నిర్మాత. ఈ చిత్ర టీజర్‌ను ఈ రోజు లాంచ్ చేశారు.
టీజర్‌లో కొత్త పెళ్లి జంట జీవితంలోని సరదా, ప్రేమ, గిల్లికజ్జాల మేళవింపు హిలేరియస్ గా చూపించారు. పెళ్లి తర్వాత కలల ప్రపంచంలో ఊహించిన ప్రేమకథ, వాస్తవ జీవితంలోని చిన్న చిన్న సమస్యలతో ఎలా మలుపులు తిరుగుతుందో ఆకట్టుకునేలా ప్రజెంట్ చేశారు. ప్రియదర్శి, ఆనంది జంటగా కనిపించి, కొత్త దంపతుల జీవితంలో జరిగే సన్నివేశాలని అలరించేలా చూపించారు. సుమ కనకాల పోలీస్ హెడ్ కానిస్టేబుల్‌గా ఎంట్రీ ఇవ్వడంతో కథలో కొత్త మలుపు వస్తుంది. ఆమె పాత్ర హ్యుమర్ ని మరింత ఎలివేట్ చేసింది.
డైరెక్టర్ నవనీత్ శ్రీరామ్ ఈ చిత్రాన్ని సిట్యువేషనల్ హ్యుమర్, మనసుని హత్తుకునే ఎమోషన్స్ తో అద్భుతంగా ప్రజెంట్ చేశారు. ప్రేమంటే అనే టైటిల్‌కు తగ్గట్లుగానే, ప్రేమలోని కలలు, వాస్తవాల మధ్య తేడాను చూపిస్తూ టీజర్ ప్రేక్షకులను ఇన్స్టంట్ గా కనెక్ట్‌ అయ్యింది. ప్రియదర్శి–ఆనంది జంట మధ్య కెమిస్ట్రీ సహజంగా, చూడముచ్చటగా వుంది. సుమ కనకాల ప్రజెన్స్ కట్టిపడేసింది. వెన్నెల కిషోర్ తన సిగ్నేచర్ టచ్‌తో నవ్వులు పంచారు.
సినిమాటోగ్రాఫర్ విశ్వనాథ్ రెడ్డి (గామీ చిత్రానికి గద్దర్ అవార్డు గ్రహీత) ఈ చిత్రానికి బ్యూటీఫుల్ విజువల్స్ అందించారు. “డ్రాగన్”కి సంగీతం అందించిన లియాన్ జేమ్స్ ఎనర్జిటిక్ బ్యాగ్ గ్రౌండ్ స్కోర్ ఇచ్చారు. ఎడిటర్ రాఘవేంద్ర తిరున్, ప్రొడక్షన్ డిజైనర్ అరవింద్ మూలే, డైలాగ్ రైటర్స్ కార్తిక్ తుపురాణి, రాజ్‌కుమార్ అందరూ తమ తమ విభాగాల్లో అద్భుతమైన పనితీరు కనబరిచారు.
“Thrill-U Prapthirasthu!” అనే ఫన్ ట్యాగ్‌లైన్‌తో వస్తున్న ప్రేమంటే నవ్వులు, ప్రేమ, జీవితం అన్నింటినీ కలిపిన హిలేరియస్ చిత్రం కానుంది. ఈ చిత్రం నవంబర్ 21న ప్రేక్షకుల ముందుకు రానుంది.
టీజర్ లాంచ్ ఈవెంట్ లో హీరో ప్రియదర్శి మాట్లాడుతూ.. అందరికీ నమస్కారం. నా వెనుక ఉండి ముందు నడిపిస్తున్న మా టీమ్ అందరికీ థాంక్యు. ఈ సినిమాని చాలా ప్రేమతో చేసాం. టీజర్ మీ అందరికీ నచ్చడం చాలా ఆనందంగా ఉంది. అందరిని థియేటర్స్ లో కలుద్దాం అనుకుంటున్నాను. నవంబర్ 21 గుర్తుపెట్టుకోండి. District app ని అందరూ డౌన్లోడ్ చేసుకుని ఈ సినిమాకి ఒక టికెట్ కొని ఒక టికెట్ ఉచితంగా పొందండి. అందరు కూడా సినిమాని థియేటర్స్ లో ఎంజాయ్ చేయండి.
సుమ కనకాల మాట్లాడుతూ.. అందరికీ గుడ్ ఈవెనింగ్. ఈ సినిమాలో ఒక పవర్ఫుల్ కానిస్టేబుల్ క్యారెక్టర్ కోసం నన్ను తీసుకున్నారు. కానీ సీన్ చేసిన తర్వాత అది పవర్ లెస్ కానిస్టేబుల్ అని అర్థమైంది( నవ్వుతూ) విశ్వనాథ్ గారు చాలా అద్భుతంగా ఇందులో విజువల్స్ ని చూపించారు. జాన్వి గారిని చూస్తే చాలా కూల్ గా అనిపిస్తుంది. ఆనంది చాలా చక్కగా పెర్ఫార్మ్ చేసింది. దర్శి చాలా నేచురల్ యాక్టర్. చాలా అద్భుతంగా నటించారు. ఇందులో ఆనంది దర్శి కెమిస్ట్రీ చాలా బాగుంటుంది. నవనీత్ మంచి స్క్రిప్ట్ తో వచ్చారు. ఇందులో లియాన్ జేమ్స్ గారి మ్యూజిక్ సింప్లి సూపర్. ఇందులో నాకు ఒక పాట ఉంది. దానికి ఒక హుక్ స్టెప్ ఉంది, నవంబర్ 21న తప్పకుండా అందరూ సినిమా థియేటర్స్ లో చూడాలని కోరుకుంటున్నాను
హీరోయిన్ ఆనంది మాట్లాడుతూ.. టీజర్ మీ అందరికీ నచ్చడం చాలా ఆనందంగా ఉంది. టీజర్ చూస్తే మీకు ఎలాంటి వైబ్ వచ్చిందో సినిమాలో అదే ఫన్ ఎంటర్టైన్మెంట్ ఉంటుంది. మీ అందరికీ ఫుల్ ఎంటర్టైన్మెంట్ ప్రాప్తిరస్తు .నవంబర్ 21న అందరూ థియేటర్స్ లో చూసి మమ్మల్ని ఎంకరేజ్ చేస్తారని కోరుకుంటున్నాం. మంచి రొమాంటిక్ కామెడీతో వస్తున్నందుకు చాలా ఆనందంగా ఉంది. ప్రియదర్శి గారికి సుమా గారికి మా డైరెక్టర్ గారికి అందరికీ పేరుపేరునా ధన్యవాదాలు. ఇందులో దర్శి గారు చాలా కొత్తగా కనిపిస్తారు. తప్పకుండా అందరూ థియేటర్స్ లో సినిమా చూడాలని కోరుకుంటున్నాను.
డైరెక్టర్ నవనీత్ శ్రీరామ్ మాట్లాడుతూ.. ఈ సినిమా కోసం నాలుగేళ్ల హార్డ్ వర్క్ ఉంది. టీజర్ కి వచ్చిన రెస్పాన్స్ చాలా ఆనందాన్ని ఇచ్చింది. దర్శి గారు ఆనంద్ గారు సుమ గారితో వర్క్ చేయడం చాలా మంచి ఎక్స్పీరియన్స్. వాళ్ళందరి పెర్ఫార్మన్స్ మీ అందరిని ఆకట్టుకుంటుంది. థ్రిల్ కావాలనే అమ్మాయి, లైఫ్ లో సెటిల్ అవ్వాలి అనుకునే అబ్బాయి కలిస్తే ఎంత ఫన్ ఉంటుందో ఈ సినిమాల్లో చూస్తారు. సుమ గారు అద్భుతమైన క్యారెక్టర్ చేశారు. మీరు థియేటర్స్ లో తప్పకుండా చూడాల్సిన సినిమా ఇది. నవంబర్ 21న థియేటర్స్ లో కలుద్దాం. చాలా మంచి ఫ్యామిలీ ఎంటర్టైనర్ ఇది. ఫ్యామిలీతో కలిసి రండి చాలా ఎంజాయ్ చేస్తారు.
నిర్మాత జాన్వి నారంగ్ మాట్లాడుతూ.. అందరికి నమస్కారం. ఒక బ్యూటిఫుల్ సినిమా తీసుకొస్తున్నాం. చాలా ప్రేమతో చేసాం. నవంబర్ 21న రిలీజ్ అవుతుంది తప్పకుండా చూడండి. మీ అందరికీ నచ్చుతుందని నమ్ముతున్నాను.
