యంగ్ హీరో దేవన్ హీరోగా, ఆయన స్వీయ దర్శకత్వంలో రూపోందుతున్న సూపర్ నేచురల్ లవ్ స్టొరీ ‘కృష్ణ లీల’. ‘తిరిగొచ్చిన కాలం’అనేది ట్యాగ్ లైన్. ధన్య బాలకృష్ణన్ హీరోయిన్ గా నటిస్తోంది. బేబీ వైష్ణవి సమర్పణలో మహాసేన్ విజువల్స్ బ్యానర్ పై జ్యోత్స్న జి చిత్రాన్ని నిర్మిస్తున్నారు. ఈ చిత్రానికి కథ & మాటలు- అనిల్ కిరణ్ కుమార్ జి అందించారు. ఈ సినిమా, టీజర్, ట్రైలర్ కి అద్భుతమైన స్పందన వచ్చింది. ‘కృష్ణ లీల’ నవంబర్ 7న గ్రాండ్‌గా విడుదల కానుంది. ఈ సందర్భంగా హీరో, డైరెక్టర్ దేవన్ విలేకరుల సమావేశంలో సినిమా విశేషాలు పంచుకున్నారు.
కృష్ణ లీల సినిమా ఎలా మొదలైంది?
-నేను సాఫ్ట్ వేర్ ఉద్యోగం చేస్తూనే సినిమా ప్రయత్నాలు చేసేవాడిని. రెండు సినిమాల్లో మంచి పాత్రలు చేశాను. ఆ తర్వాత అదే తరహా పాత్రలు రావడంతో కొత్త క్యారెక్టర్స్ కోసం ఎదురు చూస్తున్నప్పుడు నిర్మాత జోష్న, రైటర్ అనిల్ గారు ఈ కథ చెప్పారు. కథ విని ఒక వారం రోజుల తర్వాత ఈ జనరేషన్ కి ఈ కథని ఎలా చెప్పొచ్చో కొన్ని మార్పులు చేసి ఒక కొత్త రకం స్క్రీన్ ప్లేతో చెప్పాను. అది వారికి చాలా నచ్చింది.
-ఎవరు డైరెక్ట్ చేస్తారు అన్నప్పుడు నేనే డైరెక్ట్ చేస్తానని చెప్పాను. వాళ్లు చాలా హ్యాపీగా ఫీలయ్యారు. నాకు డైరెక్షన్లో అనుభవం లేదు. కానీ కథ, స్క్రీన్ ప్లే మీద చిన్నప్పటినుంచి మంచి అవగాహన ఉంది అదే నమ్మకంతో డిఓపి చోటా కె నాయుడు గారి దగ్గరికి వీళ్లను ఈ కథని. డీవోపీ చోటా గారిని కలిశాను. నేనే డైరెక్ట్ చేస్తానని ఆయనకు చెప్పాను ఆయన కథ విన్నారు. చాలా ఎక్సైట్ అయ్యారు. తప్పకుండా తన సపోర్ట్ వుంటుందని చెప్పారు. అలా ఈ సినిమా ప్రారంభమైంది.
కృష్ణ లీలా ఎలా ఉండబోతుంది?
-కృష్ణ లీల.. తిరిగి వచ్చిన కాలం .. లీల అంటే ఆట. ఆయన ఒక ప్రేమ కథని ఎలా ఆడారు? ఎలా ఆడించారనేది కృష్ణ లీల. మనిషి కాలాన్ని వెనక్కి తిరిగి తీసుకురాలేడు. కానీ ఒక దైవత్వంతో కాలం మళ్ళీ తిరిగి వస్తే ఎలా ఉంటుంది అనేది చాలా ఆసక్తికరంగా చూపించడం జరిగింది.
-.మన ప్రతి పనికి ఒక డెస్టిని ఉంటుంది. మనం కలిసే ప్రతి వ్యక్తితో మనకు ఒక అటాచ్మెంట్ ఉంటుంది. ఈ జన్మలో నీతో ప్రయాణించే ప్రతి వ్యక్తి గత జన్మలో నీతో అనుబంధం కలిగి ఉంటారు. వాళ్లకి ప్రేమని పంచు అనేది భగవద్గీత చెప్తుంది. ఇందులో ఆ ఎలిమెంట్ ని చాలా కొత్తగా చూపించాం.
-. క్రిష్ణ తత్వం చాలా పెద్ద సబ్జెక్టు కదా.. జనాలకు అర్థమయ్యేలా ఎలా చెప్పారు?
-కృష్ణ తత్వం అనేది ఒక మహా సముద్రం. భగవద్గీతలో చెప్పే వాక్యాలు ఈ కథకి చాలా అద్భుతంగా కనెక్ట్ అయ్యాయి. నేను గంగాధర శాస్త్రి గారి ప్రవచనాలు ఎక్కువగా వినేవాడి. ఆయనకి కథ చెప్పినప్పుడు నాకున్న చాలా సందేహాల్ని ఆయన నివృత్తి చేశారు. ఈ కథ విషయంలో హెల్ప్ చేశారు.
– ఇది కంటెంట్ పరంగా చాలా పవర్ ఫుల్ గా ఉంటుంది. మేము పేపర్ మీద ఎలా అనుకున్నమో తెరమీద అలా అద్భుతంగా చూపించాను. చాలా నిజాయితీ ఉన్న కథ ఇది. కథనే హీరోగా నమ్ముకున్నాను.
ధన్య బాలకృష్ణ గురించి?
-ఈ కథ చెప్పినప్పుడు అద్భుతంగా కనెక్ట్ అయ్యారు. నేను చెప్పిన కథను చాలా అద్భుతంగా పట్టుకున్నారు. చాలా మంచి పెర్ఫార్మర్. పృథ్వి గారు తులసి గారు ఇలా చాలా మంచి నటులు ఉన్నారు. వాళ్ళ ఎక్స్పీరియన్స్ మాకు ఎంతగానో ఉపయోగపడింది. సినిమాని మేము అనుకున్నది అనుకున్నట్లుగా పూర్తి చేసాము. అందరూ కూడా చాలా అద్భుతమైన సపోర్ట్ ఇచ్చారు.
ఆడియన్స్ కి ఏం చెప్తారు?
-ప్రేమ అనేది చాలా గొప్ప ఎమోషన్. అది భార్యాభర్తలు, తండ్రి కొడుకులు, మనకి మన ఫ్రెండ్స్ కి, మనకి జంతువులకు మధ్య ఉన్నది ఏదైనా కూడా ప్రేమే. ఈ సినిమా చూసిన తర్వాత మన ఫ్రెండ్, మనతో పరిచయమున్న వ్యక్తులు అందరి పట్ల మనకి ఒక గొప్ప అనుబంధాన్ని ఫీల్ అవుతాము.
చోటా గారు నాకు చాలా కాన్ఫిడెన్స్ ఇచ్చారు. ఆయన ఇచ్చిన కాన్ఫిడెన్స్ తోనే ఈ సినిమా తీశాను, ఈ సినిమా కోసం డిఓపిగా సతీష్ ముత్యాల గారు పనిచేశారు. చాలా అద్భుతమైన వర్క్ ఇచ్చారు. నేను పేపర్ మీద ఏదైతే అనుకున్నానో స్క్రీన్ మీద దాన్ని తీసుకురాగలిగాము.
– భీమ్స్ గారు చాలా వండర్ ఫుల్ మ్యూజిక్ ఇచ్చారు. ఆర్ఆర్ కూడా చాలా అద్భుతంగా వచ్చింది.
అవుట్ పుట్ చూసినప్పుడు ఏమనిపించింది?
-మేమేదైతే అనుకున్నామో స్క్రీన్ మీదకి అద్భుతంగా వచ్చింది. విఎఫ్ఎక్స్ టీం కూడా నాకు చాలా సపోర్ట్ చేశారు.
మీరు డైరెక్టర్, హీరో.. ఎందులో కొనసాగుతారు?
-అది కాలమే నిర్ణయిస్తుంది. ప్రస్తుతానికైతే ఈ సినిమాని ఆడియన్స్ కి దగ్గరికి తీసుకెళ్లాలనే సంకల్పంతో ఉన్నాను.